Во рамките на големата акција за уништување парцели засадени со марихуна, само во текот на вчерашниот ден албанската полиција уништила 32.676 стебла марихуана.
Уништените стебла марихуана биле засадени на 173 парцели на потегот Скадар-Дукаѓини, во подрачјето на областите на Пулт и Шош, планински тешко достапни терени. Стеблата биле со височина и од 220 сантиметри.
Во акцијата полицијата запленила и автоматска пушка, четири гранати, 700 куршуми, како и друго оружје. Истото било пронајдено во близина на местото од каде што беше пукано врз полициски хеликоптер за време на ланската акција, скриено во соѕидан ѕид во пештера,
Во акцијата беа вклучени 400 полицајци и припадници на специјалната единица „Ренеа“, распоредени во 35 групи, 60 возила и два хеликоптера.