Албанската полиција, во селото Глин , кај јужниот град Ѓирокастро, вчера попладне открила група од 33 сириски емигранти,кои илегално ја минале грчко-албанската граница.
Намерата на емигрантите била само транзит да минат низ Албанија а потоа патот да го продожат до некоја западно европска земја.
Ова не е прв случај на откриени поголеми групи на емигранти од азиски и африкански земји, главно државјани на Сирија и Еритреа.
Деновиве кај селото Луков, во близина на Саранда беа откриени 35 емигранти од Сирија и Пакистан. Според албанската полиција тие биле откриени во комби возило во кое биле и двајца албански државјани кои се дел од групите за трговија на луѓе. И оваа група илегално влегла од Грција.
Во Албанија, особено преку Грција, влегуваат голем број на имигранти кои потоа сакаат да го продолжат патот кон земјите на ЕУ преку Италија, но и преку Црна Гора . Само за транзитот низ Албанија им наплатуваат од илјада до 1.500 евра.
Полициската статстика потврдува дека во изминатите девет месеци од годинава откриени се на илјада и петстотини имигранти, додека во текот на минатата година над три илјади од Сирија, Еритреја, Мароко, Пакистан…