Албанија со зајакнати мерки по зголемениот број заразени од коронаврус во Италија

Од:

Албанските власти на меѓународниот аеродром во Тирана ги зајакнаа мерките за заштита од коронавирусот по зголемиот број заразени во Италија.

– Откако Италија ја погоди коронавирусот, на меѓународниот аеродром двојно е зголемен бројот на медицински персонал и опрема, кои се ангажирани по појавата на вирусот во Кина. Здравствените работници ги проверуваат патниците на летовите од Кина и Италија. На аеродромот има посебна просторија за изолација, наведува Ора њуз.

Во меѓувреме раководителката на одделот за епидемиологија при Институтот за јавно здравје, Силва Бино, на прес-конференција изјави дека досега во Албанија не е регистриран случај со коронавирус.

– Во нашата земја нема заразено лице од коронавирус, ниту пак имаме сомнителни случаи. Нормално е луѓето да се плашат, но место за паника нема. Имајте доверба во структурите, доверба во нас и во мене она што го кажувам, затоа што честопати гледам дека постојат сомнежи, рече Бино, упатувајќи апел за поголема лична хигиена.

Посочи дека располагаат со потребните апарати и реагенси за дијагностицирање на коронаврусот и оти не само на аеродромот во Тирана, туку и на другите гранични премини мерките се зајакнати, посебно во Драч, каде што секојдневно пристигнуваат траекти од Италија.

Би можело да ве интересира

Британија не прима патници од Индија поради коронавирусот

Жарко Настоски

Муслиманската заедница бара брзо да се расветли крвавиот инцидент во џамијата во Тирана

Жарко Настоски

Белград: Бебе старо само неколку дена почина од Ковид-19

Жарко Настоски

Светот останува во вонредна состојба поради пандемијата

Жарко Настоски

Кон: Изборот е меѓу вакцината или вирусот – што подолго размислуваш, ќе згрешиш и ќе го избереш вирусот

Жарко Настоски

СЗО: Ковид-пасошите дискриминираат

Жарко Настоски