Војвотката од Јорк и поранешна сопруга на британскиот принц Ендрју, Сара Фергусон со години беше една од најомразените членови на британското кралско семејство.
Таа се омажи за принцот Ендру на 23 јули 1986 година, во Вестминстерската опатија, и сè на почетокот изгледаше како вистинска кралска бајка.
Пред венчавката, се шпекулираше дека принцот Ендру лично го дизајнирал вереничкиот прстен и избрал бурмански рубин за неговата невеста да одговара на нејзината црвена коса.
Сепак, веќе пет години подоцна нивниот брак беше во криза, по што следеше скандал кој дотогаш не беше виден во британското кралско семејство.
Имено, во август 1992 година „Дејли мирор“ објави фотографии на кои се гледа како американскиот финансиски менаџер Џон Брајан ги бакнува и прстите на Сара Фергусон додека таа се сонча со целосно откриени гради.
Ова беше првпат член на кралското семејство да биде виден во толку блиска и интимна ситуација. Тогаш целото кралско семејство се дистанцира од Сара, а таа и принцот Ендру официјално се разведоа во 1996 година, кога ја загуби титулата Нејзино кралско височество.
Во последните години страстите малку се смирија, а конфликтите стивнаа. Многумина беа изненадени од одлуката на кралот Чарлс дека по 30 години Сара Фергусон повторно ќе го прослави Божиќ со кралското семејство.
Војвотката од Јорк неодамна раскажа една интересна анегдота од нејзината моминска вечер во 1986 година на шоуто Кели Кларксон.
Имено, таа откри дека таа и принцезата Дијана решиле да се маскираат во полицајци, по што отишле во ноќен клуб.
– Секако дека ќе одиш во ноќен клуб со принцезата од Велс.. Па седнавме, келнерот дојде до нас и рече: Извинете, ова е клуб за членови и е за забава, а ние не им служиме на полицајците овде.
Биле толку убедливи што се вклопиле и ги измамле другите посетители на клубот, а ги убедиле и надлежните во клубот дека се вистински полицајци и се обидоа да ги избркаат. Како што се сеќава Сара, тие го напуштиле клубот, а принцезата Дијана се разоткрила со тоа што на една жена и кажала дека го има истиот фустан што го носела.
Сара ја потсети дека требало да „бидат полицајци“, но веќе било доцна.
– Тогаш бевме уапсени – објасни Фергусон, велејќи дека тоа е затоа што се претставувале лажно како полиција.
– Бевме во задниот дел на комбето, ги свртевме вереничките прстени на другата страна. Дијана само погледна наоколу и виде чипс со вкус на чадена сланина и почна да јаде – рече војвотката од Јорк.
-Полицаецот од предниот дел извика „Не смееш да јадеш“, а потоа конечно сфатија дека сме Дијана и јас – низ смеа рекла Сара, која и била пријателка и соучесник во авантурите до смртта на принцезата Дијана.