За влакно избегната трагедија.
„Застрашувачки настан се случил вчера во циркусот во Кавадарци. Инцидентот се случил во терминот од 15 часот во точките и акробациите кои ги изведувале лавовите“, јави порталот Кавадарци од друг агол.
За време на изведувањето на перформансите на третиот лав, се урнал заштитниот кафез. Од присутната публика поголемиот број биле деца. Настанал општ хаос и паника кај гледачите кои почнале да бегаат кон излезот од шаторот.
Шаторот веднаш бил испразнет. Два лава биле веднаш згрижени во соодветните кафези а третиот, бил застрелан со стрелка за успивање.
И после се, замислете, претставата продолжила.