Шпанскиот акробат Педро Аунион Монрој (42) загина при пад на фестивалот „Мед кул“ во Шпанија, непосредно пред настапот на американската панк-рок група „Грин Деј“.
Немилиот настан се случил кога акробатот паднал од кутијата која се наоѓала во воздух на висина од 30 метри.
Она што предизвика жестоки критики на социјалните мрежи е тоа што концертот сепак се одржа.
Едноставно, организаторите на фестивалот не сакале да го откажат концертот, а членовите на бендот не ни знаеле што се случило.
По концертот организаторите изразија жалење за несреќата, нагласувајќи дека не ја прекинале програмата поради безбедносни причини.