Неколку дена по објавувањето на интервјуто на Илон Маск и Доналд Трамп на Х, милијардерот објави видео изработено со вештачка интелигенција на кое танцува со поранешниот американски претседател.
„Хејтерите ќе речат дека ова е вештачка интелигенција“, напиша Маск на социјалната мрежа X, покрај видеото на кое двајцата играат на хитот на Bee Gees, Stayin’ Alive.
Haters will say this is AI 🕺🕺 pic.twitter.com/vqWVxiYXeD
— Elon Musk (@elonmusk) August 14, 2024
Видеото за само 3 дена има 133 милиони прегледи.
Пред неколку дена Доналд Трамп му даде интервју на Илон Маск на платформата X. Маск и Трамп зборуваа за важните прашања, како и за обидот за негов атентат, a tричасовниот разговор беше нарушен од хакерски напад кој го одложи разговорот за 40 минути.
Интервјуто се емитуваше во живо на Х профилот на Трамп. Пристапот на Трамп до неговиот профил @realDonaldTrump е вратен откако Маск е сопственик на X. Претходните сопственици го симнаа од мрежата поради нападот на Конгресот на 6 јануари 2021 година, за којшто обвинија дека е оркестриран од Трамп и неговите соработници.
На крајот од тричасовниот разговор, Маск повторно го поддржа Трамп и ги повика умерените гласачи да го сторат истото.