Заврши 73-тото издание на еден од најстарите и најпопуларни фестивали во светот. По 28 песни претставени на Санремо, петте изведувачи со најмногу гласови се пласираа во суперфиналето.
Победник е Марко Менгони со песната „Due vite“. Марко од самиот почеток беше фаворит за победа на Санремо.
Оваа година на Санремо беа претставени многу нови и млади имиња, но и голем број познати личности како Ана Окса.
Менгони се прослави на италијанската музичка сцена во 2009 година, откако ја освои нивната верзија на X-Фактор. Оттогаш, тој продаде 2,8 милиони плочи и издаде седум албуми.
Тој се натпреваруваше на Санремо во 2010 и 2013 година, а ја претставуваше Италија во 2013 година во Шведска на Евровизија и го освои седмото место со 126 поени. Италија три пати има победено на Евровизија. Нивниот најлош резултат беше во 1966 година кога завршија на последното место.