Со палење на три милиони светилки и со спектакуларен огномет почна предновогодишниот и божиќен период на славење во Рио де Женеиро.
Кога станува збор за празничната декорација, овој голем бразиски град, кој инаку е најпознат по својот карневал во февруари, сепак, и од овој аспект е многу понапред во однос на другите градови во светот.
Највисокото Божиќно дрво на вода во светот и спектакуларниот шестминутен огномет пред 100.000 луѓе го означија почетокот на празничната сезона во Рио.
Металното дрво е високо 85 метри, како зграда од 28 ката. Украсено е со шарени ленти, балони и со повеќе од три милиони светилки, кои имаат должина од неверојатни 105 километри.