Американскиот комичар, водител и продуцент Џими Кимел докажа дека луѓето можат да се убедат во се и да им се продадат секакви работи, само ако се пропратени со добра реклама.
Исмевајќи го трендот во САД за здрав живот и конзумирање здрава храна, Кимел го искористи „лудилото“ на Американците по природни сокови, нудејќи им на случајни минувачи сосем нездрав напиток од вода, шеќер, прехранбена боја и концентрат, под амбалажата на здрав пијалок.
Интересно е што никој од конзументите не препознал за што станува збор, туку го фалеле одличниот вкус на „природниот органски сок“.
Неодамна, Кимел успеа да прелаже „познавачи на органската храна“, послужувајќи ги со хамбургери од „Мекдоналдс“ сервирани на начин поинаков од оној што се користи во овој ланец ресторани за брза храна.