Меланија Трамп на инаугурацијата на нејзиниот сопруг Доналд Трамп се појави со шешир која речиси целосно и ги покриваше очите, што предизвика различни реакции.
Имено, едни сметаат дека токму поради тоа не бил погоден за овој настан, а други наведуваат дека не гледаат ништо спорно.
„Очигледно и е непријатно и не гледа добро. Зошто воопшто и е потребен овој шешир“, „Овој моден додаток криеше половина од нејзиното лице. Ужасно“, „Изгледа отмено“, „Совршено океј моден избор“, се некои од коментарите на социјалните мрежи.
Како што е познато, Доналд Трамп во еден момент од инаугурацијата и пријде на Меланија за да ја бакне. Меѓутоа, нејзиниот шешир го спречи во тоа.
Американскиот дизајнер Ерик Џавитс откри за WWD дека испратил шешир од Мајами во Њујорк и дека тој целосно бил „смачкан“.
„Изгледаше како да бил снежна бура една недела. Штетата не можеше да се санира“, изјави тој. Направил нов шешир, а стилистот Ерве Пјер лично и го подарил на Меланија. Тој го направил ова за да спречи нови проблеми.