Премиерот на Шпанија: Израел да не учествува на Евровизија

Од:

Шпанскиот премиер Педро Санчез денеска повика Израел да биде исклучен од меѓународните културни настани како што е Изборот за песна на Евровизија поради неговата воена кампања во Газа, исто како што на Русија и беше забрането тоа да го прави по инвазијата на Украина.

„Не можеме да дозволиме двојни стандарди, дури и во културата“, рече Санчез, социјалист и долгогодишен критичар на политиката на Израел на окупираната палестинска територија.

„Верувам дека никој не беше шокиран пред три години кога Русија беше исклучена од меѓународните натпревари како што е Евровизија, откако ја нападна Украина. Затоа, ниту Израел не треба да учествува“, рече тој.

Санчез ги повика уметниците да застанат во одбрана на вредностите како демократијата и мирот, критикувајќи ги оние кои го бранат, како што вели, благ и тивок културен сектор.

Израелското Министерство за надворешни работи не одговори веднаш на барањето на Ројтерс за коментар за изјавите на Санчез.

Изборот за песна на Евровизија, кој ја нагласува својата политичка неутралност, повторно се соочи со контроверзии за време на финалето во Швајцарија.

Победи Австрија, а Израелката Јувал Рафаел освои најмногу гласови од публиката.

Би можело да ве интересира

ВИДЕО: Хамас објави видео од српскиот заложник

Сар: Макрон не е добредојден во Израел сè додека Франција има намера да ја признае Палестина

Израел: Рибера е портпарол на Хамас, повторува клевети како папагал

ИДФ: Убиен е лидерот на Муџахединската бригадата во Газа

Сар: Макрон се обидува да се меша во конфликт на начин што е надвор од допирот со реалноста

ИДФ ги повикаа сите жители на Појасот Газа да го напуштат северот, особено градот Газа