„Семеен лекар – за здраво семејство“ е слоганот под кој здружението на лекари по општа – семејна медицина на РМ ќе го одбележи Светскиот ден на семејните лекари.
Пред Спомен куќата на Мајка Тереза на ул. „Македонија“ доктори по општа – семејна медицина заедно со студенти од Медицинскиот Факултет во Скопје на граѓаните ќе им мерат крвен притисок, холестерол и триглицериди во крвта. Мерењата ќе бидат пропратени со соодветни медицински препораки и совети.
Оваа година Светскиот ден на семејните лекари, се одбележува по втор пат, но прв пат како караван во пет града низ Македонија.