Лондонското дизајнерско студио XAG беше одговорно за украсување на празничниот излог на бутикот „Christian Louboutin“ оваа година. Студиото беше инспирирано од францускиот дизајнер за облека и креираше елка составена од чевли со високи потпетици.
Предниот дел на чевлите е во бела боја, а долниот дел во црвена боја, што воедно е и заштитен знак на овој моден бренд. Чевлите се распоредени на концентрични нивоа за да го прикажат препознатливиот облик на елка.
Металната структура, која ги држи чевлите, специјално е дизајнирана во Париз. Во намерата да го опишат динамичниот изглед, секое дрво го заградиле со тројно огледало кое ротира, и на тој начин го засилија ефектот на оваа неверојатна елка.