Во 2018 година на пазарот се појавија многу паметни телефони. Поради тоа не е изненадување дека дел од нив не добија достојна доза од нашето внимание.
Во следните редови ќе ги споменеме најпотценетите модели. Вреди да се потсетиме барем за миг, пред да ги видиме новите предлози на компаниите, кои ќе се појават уште на стартот на 2019-та година.
„Блекбери Ки2“ (BlackBerry Key2)
Смартфонот е базиран на „Андроид“ и претставува најсовремениот уред на канадската компанија. Тој нуди физичка тастатура, што веднаш го прави помалку посакуван за пошироката јавност. Оди со 6 ГБ РАМ меморија, 128 ГБ флеш меморија, 12 МП камера и батерија со капацитет 3500 милиампер часови.
„ЛГ Г7“ (LG G7)
Г7 всушност беше најпотценетиот смартфон оваа година. За парите тој нуди одличен процесор, модерен „пресек“ на екранот, широкоаголна 16-мегапикселна камера, квалитетен звук, 3.5 милиметарски џек за слушалки, 6,1-инчен КХД дисплеј, 6 ГБ РАМ и 128 ГБ флеш меморија.
„Моторола Уан Пауер“ (Motorola One Power)
„Моторола Уан Пауер“ ќе ве освои со процесор „Снапдрагон 636“, батерија со капацитет од 5.000 милиапер часови, 16 МП главна камера, 12 МП селфи камера, порта тип-Ц, 3/6 ГБ РАМ меморија, 6,2-инчен ФХД + дисплеј.
„Сони Експериа ХЗ2 Компакт“ (Sony Xperia XZ2 Compact)
Дали има друг толку компактен уред со карактеристики на предводник? Работи со процесор „Снапдрагон 845“, има 4 ГБ РАМ меморија, 64 ГБ флеш меморија, батерија со капацитет 2870 милиампер часови, поддршка на конвертирање од „СДР“ во „ХДР“. Смартфонот има уште 19 МП камера со поддршка за 4К „ХДР“-запис и „Сло-мo“ до 960 кадри во секунда