Издавачката куќа „Феникс“ и Фондацијата за културна и научна афирмација и презентација „Македонија презент“ – Скопје, утре напладне во Културниот центар „Феникс“ ја организираат манифестација „Ставете ги маските“, на која со нивни маски ќе учествуваат и деца од неколку скопски градинки и училишта.
Најдобрите маски ќе бидат наградени со книги, а ќе бидат изложени и најдобрите ликовни дела од Меѓународниот конкурс на тема „Карневал“.
Воедно новоформираниот Иницијативен одбор ќе го најави и започнувањето на Скопскиот карневал, кој во иднина се планира да биде традиционален за Денот на шегата.