Откажан Карневалот во Рио

Од:

Градоначалникот на Рио де Жанеиро објави дека оваа година неговиот град нема да го организира светски познатиот Карневал, поради пандемијата на Ковид-19.

dobivaj vesti na viber

„Никогаш не сум ја криел својата страст кон карневалот и го знам стопанското значење на овој културен настан за нашиот град. Сепак, се чини, неразумно е да се замисли во ова време, дека можеме да го организираме Карневалот во јули”, напиша Едуардо Паис на Твитер.

Тој притоа вети дека ќе им помогне на сите Бразилци кои работат цела година за да ја организираат оваа огромна прослава. Карневалот во Рио обично се одржува во февруари или март, непосредно пред да започне постот. Во септември минатата 2020 година, училиштата за самба коишто ја организираат парадата, одлучија да го одложат Карневалот за јули годинава, поради пандемијата, образложувајќи дека дотогаш, веројатно, ќе се најдат вакцини.

И покрај почетокот на имунизацијатта во Бразил во неделата, градоначалникот смета дека сѐ уште би било невозможно да се организира најголемиот фестивал во светот, кој привлекува милиони луѓе на улиците на Рио секоја година.

По САД, Бразил е на второто место во светот по смртност од коронавирусот, со вкупно над 213.000 смртни случаи.

Би можело да ве интересира

Карневалот во Рио повторно откажан поради пандемијата

Ана Ололовска

Рио ја сака организацијата на Светското клупско фудбалско првенство

А1он

Карневалот во Рио де Жанеиро во 2022 година ќе трае 40 дена

Ана Ололовска

Карневалот во Рио се одложува за идното лето поради пандемијата

Жарко Настоски

Коронавирусот го откажа и Карневалот во Рио

Ана Ололовска

Бразилските училишта за самба ќе го откажат учеството на карневалот во Рио ако нема вакцина за Ковид-19

Жарко Настоски