Инстаграм инструкторката Хена Полатис која своите 1,3 милиони следачи ги привлече со фитнес видеата од Бали, ги почести своите обожаватели со снимка на која вежба заедно со двегодишната ќеркичка Евалија Грејс.
Видеото содржи сериозни вежби, но вниманието го украде малечката, која неуморно се труди да ја копира својата мајка.
– Сака да вежба со мене дома и сака да ме следи во вежбалницата. Јога практикува веќе една година и некои вежби ги изведува подобро и од мене, изјави Хена во една прилика.
Хена е фитнес инструкторка од Австралија, која за себе вели дека е фитнес зависник. Таа ни во бременоста не престана да вежба, па многумина и ја критикуваа поради тоа. Никогаш немаше проблеми со својата линија.