Еден маж во јужна Калифорнија дојде да подигне милионска добивка на лотарија, но остана со празни раце затоа што го изгубил добитното ливче.
Ливчето е купено во еден супермаркет во близина на Лос Анџелес, безбедносните камери го снимиле моментот кога мажот го купувал добитното ливче.
Американската лотарија пред неколку недели објави снимка со надеж дека добитникот ќе дојде да ги подигне парите пред истекот на рокот.
Мажот веднаш се појавил, но наградата не успеал да ја подигне затоа што го изгубил добитното ливче.
– Согласно правилата на лотарија, наградата не може да биде исплатена доколу не постои ливчето, рече портпаролот на лотаријата, Алекс Траверсо.
Сепак, има некој кој оваа загуба ќе го направи среќен. Оваа милионска добивка ќе биде пренасочена на државните училишта во Калифорнија.