Јапонската фармацевтска компанија „Астелас фарма“ и британската „Глаксо Смит Клајн“ се конкуренти во развојот на нов лек за поттикнување на производство на црвените крвни зрнца, со чие дејство организмот почнува да функционира како да е на надморска височина од над 1.500 метри.
Освен тоа, овие лекови поттикнуваат апсорбирање на железо.
Двата лека се во облик на капсули, кои, освен против анемија, би можеле да се користат и кај други посериозни состојби, како што се проблеми со циркулација и проблеми предизвикани од рани.
Од друга страна, овие лекови би можеле да ги привлечат и безкрупулозните спортисти, како алтернатива за инјекциите за ЕПО (еритропротеин), кои поттикнувачки делуваат на крвта и во последно време станува синоним за допинг.
Лековите на „Глаксо“ и „Астелас“ би можеле значително да ги загрозат моментално доминантните средства против анемија, чија светска продажба се проценува на осум милијарди долари годишно.
Во компанијата „Астелас“, чиј лек засега е познат како „ФГ-4592“, од декември минатата година се наоѓа во трета, завршна фаза на клинички тестирања и се истакнува дека неговата кајголема предност во однос на ЕПО е тоа што не влија е на раст на крвниот притисок и може да се користи во домашни услови, бидејќи е во облик на капсули.