Холивудската ѕвезда, Мајкл Даглас ќе ја глуми улогата на поранешниот претседател на САД, Роналд Реган.
Во Холивуд се коментира дека „закоравениот “демократ, ќе го глуми „закоравениот“ конзервативец, Реган.
Во тек се преговори со познатиот актер да ја прифати ролјата во политичката драма за студената војна „Рејкјавик“, чие дејствие се одвива во 1986 година, кога Роналд Реган и Михаил Горбачов се состанале во главниот град на Исланд за да преговараат за мирот.
Продуцент на филмот е Ридли Скот, а режисер Мајк Невел.
Филмот ќе чини десет милиони долари, ќе почне да се снима во март во Германија.
Се уште не се знае кој ќе го игра Горбачов.