Децата секојдневно трошат трипати повеќе енергија од возрасните. Поради тоа, експертите предупредуваат дека детската исхрана мора да биде богата со витамини, железо и калциум.
За децата, посебно за момчињата, често се вели дека се активни „како да се вклучени во струја“. На родителите некогаш им е тешко да ги следат, а резултатите од едно британско истражување покажале зошто е тоа така.
Имено, децата секојдневно трошат трипати повеќе енергија од возрасните. Експертите тоа сликовито го објаснуваат: дневно трошат толку енергија колку што возрасен човек би потрошил во текот на 83 рунди во рингот, односно за време на 249 минути во бокс. Тие секој ден се толку многу активни што, кога должината на сите нивни движења во паркот, песокот или во затворен простор би се собрала, тоа би изнесувало дури 48 километри.
Експертите сметаат дека активностите на децата бараат толкаво количество на енергија, кое може да се мери со три фудбалски натпревари одиграни во еден ден.