Холивудската актерка Анџелина Џоли ја повика меѓународната заедница повеќе да им помогне на бегалците, јавува Фена.
Добитничката на Оскар и специјален пратеник на УНХЦР Анџелина Џоли вчера, на Светскиот ден на бегалците, го посети бегалскиот камп Мартдин во Турција, заедно со шефот на оваа агенција Антонио Гутереш.
Тие имаа средба и со турскиот претседател Реџеп таип Ердоган.
– Овде сме од едноставна причина: овој регион е епицентар на глобална криза. Треба тоа да го наречеме со вистинското име: не само „бегалска криза“, туку криза на глобалната безбедност и управување, која се манифестира како најлошата бегалска криза кога и да е – и време на масовно исселување, рече Џоли.
– Мојата прва порака е дека е време луѓето да ја почитуваат ситуацијата на бегалците и да ја сфатат нејзината вредност. Мораме да ги заштитиме, да вложуваме во нив. Тие не се проблем, тие се дел од решението на светската криза, нагласи Џоли.
Таа исто така и се заблагодари на Турција, и на другите земји, кои ги прифатија бегалците.