Аmazon ја стартуваше употребата на својата виртуелна валута, Amazon Coin, со делење на 500 кованици во вредност од 5 долари во реалниот свет на сите корисници на Kindle Fire, објави Enter.
Корисниците сега може да ги користат „монетите“ за купување на апликации, игри и разни додатоци на Amazon Appstore и Kindle Fire.
Цената нa 100 виртуелни монети е 1 долар, но доколку корисникот сака да купи наеднаш 5000, односно 10000 виртуелни кованици, тогаш добива 10 отсто попуст или плаќа 45 и 90 долари.
Amazon Coin беше најавен уште во февруари годинава, а услугата е достапна сега за сега само во САД. Со тек на време би требало да бидат воведени и нови начини за трошење на виртуелните пари, истакнуваат од Amazon.