Зоолошка градина засега нема да добие слон. Таа се откажала од слонот што го понудиле од Европската асоцијација на зоолошки и аквариуми (ЕАЗА), оти тој бил стар, јавува Вест.
Од Градината за Вест велат дека ќе прифатат единствено млад и темпераментен слон.
“Не мора по секоја цена да земеме слон. Ќе ги израдуваме посетителите со вакво животно само кога ќе добиеме слон што ќе ни одговара. Ја чекаме вистинската понуда”, изјавил Татјана Стаменов, директор на Зоолошката градина.
Според првичните најави, слонот требаше да пристигне во Градината веднаш по жирафата, која дојде во јули минатата година.
Тогаш од Зоо изјавија дека слонот ќе дојде во септември истата година, но поради возраста на животното што било понудено, Градината не го прифати.
Жирафата е подарок за Градината од германскиот град Нирнберг.
Таа е сместена во специјално живеалиште и се наоѓа во добра здравствена состојба, велат вработените во Зоо.