ЗНМ, СЕММ, ССНM: Владата со народни пари фаворизира одредени медиуми

Од:

Македонската делегација предводена од премиерот Димитар Ковачевски денеска е во Рим во работна посета во рамки на одбележувањето на 24ти мај, Денот на сесловенските просветители Светите Кирил и Методиј. Во рамки на посетата присутни се новинари и медиумски работници на неколку медиуми за да известуваат за настанот.

dobivaj vesti na viber

За изборот на овие приватни медиуми, кој е на трошок на буџетот на граѓаните, нема објаснување од страна на Владата кои се критериумите и зошто токму овие медиуми се поканети.

Настрана фактот што владини посети на државен трошок треба да следат јавните медиумски сервиси, а не приватни медиуми, овој селективен пристап на Владата, без никакви критериуми, може да се толкува и како фаворизирање на конкретните медиуми. Немањето на транспарентни и јасни критериуми за тоа како е направен изборот кој медиум ќе известува за официјалната владина посета во Рим создава дискриминација во медиумскиот сектор и ги става медиумите во нерамноправна положба.

Користењето на јавни ресурси за да се стимулираат само поединечни медиуми на официјални посети во странски држави е непрофесионално и е на штета на медиумите, но и на граѓаните.

Потребно е сите медиуми да имаат фер и транспарентен пристап до информации за да се зачува објективното известување и јавниот интерес во медиумските извештаи. Оваа практика на Владата, ја спроведе и Собранието кога пред две недели нетранспарентно и без критериуми избра приватен медиум за официјална посета во странство, со што станува јасно дека овие опасни процеси, карактеристични за едни други медиумски времиња, се враќаат и се закануваат повторно на медиумските слободи, реагираат од Здружението на новинари на Македонија, медиумскиот синдикат и од Советот за етика.

ЗНМ, ССНМ и СЕММ за ова ќе ги известат сите свои партнери и меѓународни организации кои ги следат прашањата со независноста на медиумите и правата на новинарите во Македонија.

Би можело да ве интересира

ЗНМ бара оставка од директорот на топланата Скопје, Север: Рамадани со груби навреди кон новинарката Додевска

Ана Ололовска

Маж од Скопје обвинет за напад на телевизиската екипа на ТВ24

Горан Наумовски

Во Србија предлагаат новинарите да добијат статус на службено лице и бенефициран стаж

Програмскиот совет при МРТ и ЗНМ: На нетранспарентен начин се крати буџетот на МРТ

Ана Ололовска

Претставка до Судски совет за повреда на правото на колегата Кристијан Ландов да известува од судско рочиште

Горан Наумовски

Предложен куќен притвор напаѓачот на новинарска екипа

Катерина Павлова-Николовска