ЗНМ го осуди приведувањето на снимателите пред Судот

Од:

Здружението на новинарите на Македонија го осудува приведувањето на снимателот од ТВ 21 Ибрахим Махмути и фоторепортерот од Косово Бљерим Ука за време на изрекувањето на пресудата за случајот „Дива населба“.

Според ЗНМ, поразително е што ваквиот тежок атак врз слободата на медиумите се случува на 2 ноември, Меѓународниот ден за ставање крај на неказнивоста за насилството врз новинари.

– Ваквиот однос на институциите е целосно неприфатлив и има за цел да ги заплаши новинарите и да поттикне самоцензура кога известуваат за одредени судски постапки, стои во реакцијата на ЗНМ.

ЗНМ најавува дека ќе поднесе претставка до МВР за неоправданото шестчасовно задржување на колегите во полициска станица без да им се даде можност да ја известат редакцијата и нивните семејства дека се приведени. Очекуваат полицијата сериозно да го истражи овој инцидент и да изрече соодветни санкции.

– Само со отворен дијалог на новинарите со одговорните институции, ќе се промени лошата пракса за неказнување на насилството врз новинари, наведуваат во соопштението од ЗНМ.

Би можело да ве интересира

Кривична пријава за Фрчкоски за злоупотреби во мисијата во Њујорк

Катерина Ѓуровски

Со лажни мејлови од познати компании извлекуваат лични податоци, предупредување од МВР

Кривична пријава против поранешен началник и помошник директор во МВР

А1он

МВР: Кривична за 38-годишен скопјанец кој со нож си ја уби невенчаната сопруга

Горан Наумовски

Филков: Без слободата на медиумите нема вистина, правда и одговорност

АВМУ: Вештачката интелигенција е голем предизвик за професионалните и независни медиуми