Здружението на новинари поднесе претставка до министерството на внатрешни работи, Народниот правобранител и до Собранието за да се испита и да се покрене одговорност за тоа кој завчера нареди насилно отстранување на новинарите од галеријата на собраниската сала.е Ова смета ЗНМ потег рамен на цензура.
Здружението бара да се утврди идентитетот на лицата од собраниските служби, по што ќе поднесат и кривична пријава.
Вчера собраниските служби соопштија дека новинарите не биле со сила изнесени и влечени од собраниската галерија туку биле замолени да ја напуштат . Наредба, соопштија немало од претседателот на Собранието, Трајко Велјаноски, туку одлуката да се испразни галеријата била на собраниското обезбедување.
Инцидентот со новинарите остро беше осуден од Хелсиншкиот комитет за човекови права.
Жалење за инцидентот со новинарите изразија претседателот Иванов и премиерот Груевски кој посочи одговорите кој и како довел до тоа, да се побараат во парламентот.