Златна жила откриена на тромеѓето со Србија и Бугарија, наводно содржи 19 тони злато

Од:

Канадската истражувачка компанија „Медголд ресурси“ навести дека во јужна Србија, на границата со Северна Македонија и Бугарија, во рамките на проектот наречен „Тламино“, открила прелиминарни резерви од околу седум милиони тони руда, со околу 680.000 унци, или близу 19,3 тони злато, во вредност од нешто повеќе од милијарда долари, јави дописникот на МИА од Белград.

Тие најавија изработка на прелиминарна физибилити студија, која треба да ги потврди овие резултати.

Со проектот „Тламино“, како што е утврдено, содржината на злато на тоа место, во просек, е околу три грама на тон. На пример, лежиштата со грам злато на тон, доколку се придружени со соодветни количини руда, се сметаат за профитабилни.

Прелиминарните студии за изводливост, како и дополнителни металуршки студии ќе ги изработуваат компании од Велика Британија, бидејќи постојат сериозни индикации дека на тоа место постои далеку поголемо количество од тој скапоцен метал.

Во истражувањето на минералното богатство наречено проект Тламино, Медголд пронашол и слој на руда од 40 метри, во кој има 8,32 грама злато на тон и скоро неверојатни 193 грама на тон сребро.

Во исто време, канадската геолошка компанија Тедијан која трага за лежишта на метална руда во Србија, Бугарија и Косово објави дека постигнала договор за купување на српската геолошка компанија ЕФПП, која поседува права за истражување на местата Кижевак и Саставци, во околината на Рашка, каде порано се наоѓале рудници за сребро и цинк, објавија „Вечерни Новости“.

Би можело да ве интересира

Скок на цената на нафтата, се намали вредноста на златото

Катерина Ѓуровски

Царинска управа: Запленето e злато што двајца патници се обиделе нелегално да го изнесат од државата

Резервите на злато во Србија се 38,5 тони, Македонија со 6,8 тони е втора во регионот

Орце Костов

Уапсени македонски и српски државјани во Солун, откриени над 21 килограм накит и злато во нивните возила

Русите во 2022 година купиле над 50 тони златни прачки

Горан Наумовски

Потврдено богато наоѓалиште на злато во источна Србија

А1он