Градоначалникот на општина Центар Андреј Жерновски се огласи по критиките на социјалните мрежи за уривањето на една од најстарите градски куќи во Скопје. Еве што напиша Жерновски:
Секогаш подржувам издржана критика, но не и неоснована и непроверена.
Деновиве, преку социјалните мрежи, се појавија токму такви, неосновани критики, кои се базираат на непроверени информации .
Се работи за рушењето на една од најстарите градски куќи во Скопје.
Најискрено жалам за ова, но тоа е куќа во приватна сопственост, која е купена од “Настел”.
Куќата, со одлука на Министерство за култура, е ставена под заштита на државата, но со измените во ДУП во 2012 година, потенцирам- во 2012 година, изгласани од поранешното општинско раководство, Управата за заштита на културното наследства не ја означила куќата како споменик на културата, и на истата има дадено можност за градба. Наведениот инвеститор ја урива куќата, која сега е негова приватна сопственост.
Ова го нагласувам, бидејќи авторите на тие критики пишуваа дека општина Центар ја руши куќата.
За сите други детали, секој може да дојде и да се информира во општина Центар.