Полицијата извести дека вчера во 19.50 часот на локален пат за село Ростуше, гостиварско, полициски службеници од ОВР Гостивар ја уапсиле В.Т.(56) од селото.
Таа се сомничи дека околу 19.30 часот од спортска обложувалница во Ростуше одзела пари од дневниот промет. Парите биле пронајдени и вратени на сопственикот, а лицето било приведено во полициска станица.
По целосно документирање на случајот, против неа ќе биде поднесена соодветна пријава.