Бројот на умрени лица во Македонија е зголемен за 3,4 отсто во однос на претходната година и изнесува 20.134. Повеќето се мажи, 10.523 или 52,3 отсто, на просечна возраст од 70,3 години. Просечната старост на починатите женски лица е 74,4 години што е 4,1 година повеќе од просечната возраст на умрените мажи.
Според Државниот завод за статистика, бројот на умрените доенчиња е 230 и нивното учество во вкупниот број умрени изнесува 1,1 отсто на 100 умрени лица.
Како и во минатите години, најголем е процентот на умрени од болести на циркулаторниот систем, 59,2 отсто, кај 18,3 отсто причина за смрт се неоплазмите, со 4,2 процента се застапени ендокрините, нутритивните и метаболните болести, додека 3,9 отсто отпаѓа на болестите на респираторниот систем.