„Засрамете се од тоа што го правите. Не сте добредојдени во Слупчане“, им порачаа жителите на липковско Слупчане и поранешни членови на УЧК, на лидерот на ДУИ Али Ахмети и на министерот за одбрана Талат Џафери.
Незадоволни се, како што велат од владината анти-албанска политика и од фактот што власта, во која партиципира и ДУИ не го остварува Рамковниот договор.
Утре се одбележува потпишувањето на Охридскиот рамковен договор и поранешните припадници на УЧК велат дека веќе нема да дозволат само еднаш годишно власта да се сети на нив и само да дојде и да положи цвеќе.
Тие прашуваат каде и во чии џебови завршија милиони евра кои во конфликтната 2001 година собрани од Албанците кои живеат во западна Европа.
„Албанците, а веруваме и Македонците, непотребно војуваваа, а за тоа време на нивна сметка некои профитираа, велат жители на Слупчане.