Заштитата на животната средина приоритет за рудникот Саса

Од:

Делегација предводена од заменик-министерот за животна средина и просторно планирање, Јани Макрадули, престојуваше во работна посета на рудникот за олово и цинк Саса.

Генералниот директор на рудникот Олег Телној, на средбата на која присуствуваа и претставници на Управата за животна средина придружувани од градоначалничката на Македонска Каменица, Соња Стаменкова, ги запозна присутните со најсовремените практики и стандарди кои рудникот ги применува во насока на заштита на животната средина.
– Пред гостите ги претставивме сите клучни аспекти од работата и развојот на рудникот, почнувајќи од технолошкиот процес, вложувањата во современа рударска опрема, структурата на вработените и грижата за нивната благостојба. Значењето на рудникот за просперитетот на локалната заедница и неговите континуирани активности и поддршка што ја обезбедува во областа на спортот, културата, образованието, животната средина, социјалната сфера и ранливите општествени групи е од мошне големо значење, што за нас ќе биде приоритет во наредниот период, рече Телној.

Едни од основните начела на рудникот, како што истакна Телној, се вложувањата и активностите на рудникот поврзани со грижата за здравјето и безбедноста при работа, како и заштитата на животната средина како исклучително важни сегменти во САСА.

За Министерството, беше речено, е од особено значење што рудникот во своето работење ги применува најсовремените индустриски практики и стандарди за управување меѓу кои стандардите за заштита на здравјето и безбедноста при работа, за заштита на животната средина, како и за лабораториски испитувања.

САСА е првиот рудник во земјата, кој што поседува A интегрирана еколошка дозвола.

Би можело да ве интересира

Едукативна кампања на Центарот за одржлив развој „Алка“ за зачувување на животната средина

Орце Костов

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

Шукова: Граѓаните да користат суво дрво, 45 отсто од загадувањето доаѓа од домаќинствата

Орце Костов

Чебрен пропадна: Грчката компанија не можела да подигне кредит од банка за да гради

Орце Костов

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов

Трошоците за заштита на животната средина лани изнесувале 7 840 633 000 денари