Засега нема спас од депонијата „Буково“, Петровска вели: „Не е лето, нема да гори“

Од:

До февруари Владата треба да обезбеди локација за нова депонија и да се затвори постојната „Буково“, која се наоѓа на дваесетина километри од Охрид. Ана Петровска од Министерството за животна средина вели дека ќе се бара поддршка од Европската банка за развој, а потоа ќе се вклучи и приватна фирма бидејќи државата доволно средства за купување камиони и потребна механизација. УНЕСКО побара депонијата „Буково“ да се затвори до крајот на 2020 година.

Петровска потенцира дека засега не може ништо да се преземе во однос на депонијата, освен да се затрупува отпадот, иако сметот е расфрлан сè до регионалниот пат. Таа вели: „Не е лето и сега депонијата нема да гори“.

Локацијата за изградба на нова депонија може да биде и во Битола бидејќи станува збор за регионална. Новаци е една од можните локации бидејќи засега предвидено е таму да се исфрла сметот од Пелагонискиот Регион.

Депонијата „Буково“, каде што се исфрла сметот од Охридскиот Регион, секоја година се пали по што се шири чад и неподнослив мирис.

Задолжена за одржување на депонијата беше фирмата „Нефи ИК“, во сопственост на советникот на Општина Охрид, Нефи Усеини. За расчистување на отпадот, според договорот, фирмата на Усеини зела 48 илјади евра од општинското претпријатие „Охридски комуналец“.

Би можело да ве интересира

Пред охриѓани презентиран Нацрт-планот за управување со природното и културното наследство во Охридскиот регион

Ана Ололовска

(ВИДЕО) Заев: Се санира колекторскиот систем во Охридско-струшкиот регион

Татјана Ташкова

Развојот на помалите општини условен од донесувањето ГУП, обемната процедура го отежнува нивното донесување

Заев: Дивите депонии се неодговорност на институциите, градоначалниците и инспекциите

Ана Ололовска

Поранешни и сегашни ЕУ и НАТО дипломати: Северна Македонија во последните две години стана извозник на стабилност и демократија

Еко Герила: Општините често не постапуваат по пријавите на граѓаните за еколошка несовесност

Ана Ололовска