Во Собранието започна средбата меѓу претседателот на опозициската партија ВМРО-ДПМНЕ, Христијан Мицкоски и лидерот на ДУИ, Али Ахмети.
Средбата е на барање на претседателот на ВМРО-ДПМНЕ, за да ги претстави своите кандидати за техничката Влада на лидерот на ДУИ.
По оваа средба, Мицкоски во Владата треба да се сретне со премиерот Зоран Заев. И оваа средба е на барање на претседателот на ВМРО-ДПМНЕ, и е со истата цел.
Заев синоќа, по Централниот и Извршниот одбор на СДСМ, каде за технички премиер беше избран досегашниот министер за внатрешни работи Оливер Спасовски, а за вицепремиерка, на местото на Кочо Анѓушев, Мила Царовска, истакна дека тој на денешната средба со Мицкоски ќе го отвори прашањето и измени на Изборниот законик со воведување на една изборна единица, доколку лидерот на опозициската ВМРО-ДПМНЕ сака за тоа да разоговара.
На лидерската средба кај претседателот Стево Пендаровски, беше договорено на 12 април да се одржат предвремени парламентрани избори. Согласно процедурата, на 90 дена пред изборите треба да се формира техничката влада или во случајов тоа треба да се случи на 3 јануари.