„Овој временски перод од годината е најпогоден за садење на пролетен цветен расад низ градското зеленило. Затоа нашите екипи, после акциите за генерално чистење на скопските општини, деновиве започнаа со своите активности.
Природата во овој календарски период наложува обликување, уредување и одржување, со садење цвеќе и садници на зелените површини.
Така, екипите ќе извршат обновување и дополнување на цветните површини на повеќе локации низ градот, каде хризантемата ќе се замени со најзастапената виола во повеќе бои и тоа на цветните леи на локациите – трети дел на парк „Македонија“ и во булеварската жардиниера на бул.„Гоце Делчев“, а на цветните површини кај полициската станица на Бит пазар, од видот виола ќе се засадат 1.500 корења.
Обновување со цветен расад е планирано и на кружниот тек во населба Топанско Поле, потоа во зеленилото пред општина Чаир и кај споменикот „Хасан Приштина“ на реон Ректорат.
Цветниот расад е од сопствено производство на Флораком Дооел за потребите на Јавното претпријатие.
Исто така, тековно се извршуваат активностите на чистење и одржување на булеварското и блоковското зеленило низ градот, соопштуваат од ЈП „Паркови и зеленило“.