Загадувањето убива, за трипати зголемени повиците во Брза помош

Од:

Телефоните во Брза помош не престануваат да ѕвонат, за три пати е зголемен бројот на повици за помош. Загадувањето кое според статистиката на Светската здравствена организација ја рангира Македонија на екстремно високото петто место по смртност, се одразува и на хронично болните но и луѓето кои досега немале проблеми.

Надлежните се беспомошни, не преземаат никакви мерки, а згора на тоа загадувањето го искористија за политички цели. Додека Македонија и Скопје се гушат, се чека решение “од небо“ и се наидува на аматерски и несериозен однос кон овој проблем.

12348400_466657173518617_1620506410_n

Официјалните статистики на Министерството за животна средина покажуваат дека најголемо загадување има во попладневните часови, кога загадувањето достигнува над 100 микрограми на метар кубен воздух, а изминатата ноќ во скопската населба Лисиче, тоа изнесувало над 500 микрограми ПМ 10 честички, што е десет пати над дозволеното.

Според Институтот за јавно здравје, во Македонија како последица од аерозагадувањето годишно умираат 1.050 до 1.060 луѓе, а околу 30 до 40 отсто има зголемување на заболувањата пред се на белодробниот и на кардиоваскуларниот систем во текот на овој зимски период.

Додека статистиките покажуваат панично висок степен на загадување, од Министерството за образование и наука велат дека чекаат владата да препорача предвремен распуст за учениците, па потоа да одлучува за тоа дали загадувањето е доволно високо за носење на таква одлука. Информации побаравме во владата и од министерот за образование и наука, но од таму нема одговор.

Иако за поопасни се сметаат и ПМ 2.5 честичките, на официјалната страна за загадувањето за речиси сите градови во Македонија пишува дека овие честички не се мерат.

Александар Тодески

Би можело да ве интересира

ИКС: Да зборуваме повеќе за животната средина во време на растечка еколошка криза

Стојковски: Несовесни граѓани во моментот се главните причинители за загадување на воздухот

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

СДСМ: Градоначалниците на ДПМНЕ не преземаат ништо против загадениот воздух во Скопје,

Катерина Ѓуровски

Шукова: Граѓаните да користат суво дрво, 45 отсто од загадувањето доаѓа од домаќинствата

Орце Костов

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов