Зоран Заев вечерва во интервју на Телма рече дека начинот на разрешницата од кризата во Македонија ќе го соопшти кога ќе дојде на половина од објавување на доказите и прислушуваните материјали.
Не може, вели да има правна разрешница, бидејќи се е поклопено од власта, туку само политичка.
„Зарем ВМРО-ДПМНЕ да ми суди? Зарем Зврлевски да ме суди? Целиот систем е поклопен од власта, не може да има правична пресуда, рече Заев. Тој деменатираше дека материјалите се од тајна служба и посочи дека се снимани од Груевски и Мијалков кои исто ги имаат снимките, дури и многу повеќе.
И Заев само ако успеал да влезе во Петтата управа и да прислушува, Владата треба да си даде оставка. Хипотетички да претпоставиме, ако дозволиле толку години опозицијата да слуша внатре во Петтата управа, тие треба веднаш да поднесат оставки. Груевски ќе падне, бидејќи ќе нема политичка вредност кога ќе објавиме се што имаме, целиот народ ќе дознае кој е и што е Груевски“, рече вечерва во емисија на Телма, лидерот на СДСМ Зоран Заев.
Вети дека ќе ги објави сите кои правеле криминални и неетички дејства на штета на Македонија, и оние на ДУИ.
„И малите деца знаат дека не е атрактивно да се стане власт по се. Камиказа варијанта е да се превземе власта во презадолжена и уништена држава. Поштарот кој носи пензија секој го сака, но не и тој кој носи извршни решенија. Јас сум свесен што ме чека“, рече Заев.