Заев за 27 април: Доколку има нови докази, осудените имаат право на ново судење

Од:

Отворање на случајот одново само доколку има нови докази и моменти. Ова е ставот на премиерот Зоран Заев за барањето на опозициската ВМРО-ДПМНЕ, одново да им се суди на осудените за крвавиот упад во Собранието пред четири години. Заев кажа дека за тоа дали ќе има ново судење, треба да одлучат судските истанци, како и дека шефот на државата Стево Пендаровски не поддржал таква иницијатива.

„Претседателот не го поддржа повторно судење и ве молам прашајте го, јас сум во котанкти со него. Тој кажува отворено, а тоа е и мојот став дека како и за сите други случаеви, секој има право да отвори постапка на повторување на судење ако има нови докази, нови аргументи, кои ќе влијаат, Судскиот совет, надлежен за таа работа, одлучи за тоа. Ако се случуваат непринципелни работи, надвор од вредностите во кои што живее и верува огромно мнозинство од нашиот народ, тогаш системот на пеналење и казнување губи смисла. Така што, никако помилувања и амнестии во тој дел. Правото го имаат сите граѓани, вклучително и тие кои се осудени за настаните од 27 април, ако има нови моменти и докази, а така го појасни и претседателот на државата“, рече Заев.

За осудените за крвавиот упад во Собранието на 27 април, ќе разговараат лидерот на ВМРО-ДПМНЕ, Христијан Мицкоски и претседателот Стево Пендаровски во петок, најави на брифинг опозициската партија.

Мицкоски веќе се изјасни дека е за одново отворање на случајот и одново судење за обвинетите. Тој објасни дека казните за осудените се драконски и дека тие не се терористи, иако им се судело за такво дело.

Би можело да ве интересира

Средба Заев-Пина: С. Македонија сработи и треба да биде дел од семејството на ЕУ, силна поддршка од Португалија

Ана Ололовска

Стоилковски: Заев да каже што точно понудил како решение во Софија

Да ја засилиме уште повеќе соработката, се согласија Заев и црногорскиот премиер Кривокапиќ

Жарко Настоски

Заев-Курц: Имаме заедничка обврска да обезбедиме европска иднина за Западен Балкан

Жарко Настоски

Курц по средбата со Заев: Северна Македонија заврши одлична работа на европскиот пат

Жарко Настоски

Заев: Иднината на Европа е со Западен Балкан, а иднината на Западниот Балкан е со Европа

Ана Ололовска