Лидерот на СДСМ, Зоран Заев денеска отпатувал во Словенија за да ги бодри вечер македонските кошаркари на мечот со Србија. Според извори во партијата Заев одлучил дека и покрај обврските, на кошаркарите им треба поддршка и кога им е најтешко после двата пораза.
Синоќа од трибините навиваше и лидерот на опозициската ЛДП Андреј Жерновски што наиде на циничен статус на министерката Јанкуловска на нејзиниот Фејсбук профил. Таа ноќеска веднаш по поразот му порача да се врател оти бил баксуз. На ова и врати преку Фејсбук Жерновски со порака да не меша политика во спортот.
Но министерката не запре туку објасни дека е тоа нејзин личен став и оти била загрижена што Жерновски наместо да биде во Скопје и да им ги решава проблемите на грганите на општина Центар каде што е градоначалник оди во Словенија.
Вечерашното присуство и на најголемата опозициска партија најверојатно покрај бодрење на кошаркарите има и порака до Јанкуловска и власта дека спортистите се бодрат и кога губат а не само кога победуваат за да ги шетаат под Триумфалната порта на чело со нејзиниот шеф, премиерот Груевски.
