Лидерот на Социјалдемократскиот сојуз на Македонија, Зоран Заев в понеделник ќе ги достави потписите на пратениците на СДСМ, ДУИ, БЕСА и Алијансата за Албанците кај претседателот Ѓорге Иванов. Откако Централниот одбор на СДСМ завчера едногалсно одлучи Заев да биде мандатар, тој ќе побара од Иванов мандат за формирање на Влада.
По одлуката на ДУИ да ги даде потписите на Заев за тој да го добие мандатот, своите потписи му ги доставија и БЕСА и Алијансата за Албанците, чии лидери му ги гарантираа потписите на Заев веднаш откако Груевски не успеа да состави Влада, а за да го даде мандатот, Иванов од лидерот на СДСМ побара минимум 61 потпис.
Откако ДУИ потврди дека ќе ги даде потписите на Заев, како што вчера објави А1он, лидерот на ВМРО-ДПМНЕ завчера имаше ноќна средба со претседателот Ѓорге Иванов, а вчера на својот Фејсбук профил се закани дека не политичарите, туку народот „ќе ја одбранел државата од Заев“.