Заев се сретна со лидерот на ПДП

Од:

Претседателот на СДСМ, Зоран Заев, придружуван од генералниот секретар Оливер Спасовски и членот на Извршниот одбор, Едмонд Адеми денеска се сретна со претседателот на ПДП, Фатон Алити, придружуван од претседателот на огранокот на ПДП во Тетово, Шпенд Мурати и членот Мурат Ајдини.

На состанокот се разговараше за актуелната политичка ситуација во Македонија, при што е заеднички констатирано дека граѓаните без разлика на политичката, националната или каква било друга различност се повеќе од секогаш единствени во заложбите за заедничка и просперитетна Република Македонија.

Поделбите што ги стимулира власта на Груевски не поминуваат повеќе кај граѓаните кои се жртви на сиромаштијата без разлика каде живеат или како се викаат. Затоа тие заеднички застанаа еден до друг за слобода и демократија, единство, еднаквост, достоинствен живот, сигурно здравство, квалитетно образование и ова е вредност што треба да се почитува, негува и развива.

На средбата е заклучено дека двете партии остануваат активно посветени на заложбите за фер и регуларни избори. Исто така двете партии застануваат цврсто во одбрана на правниот поредок во државата и даваат целосна поддршка на Специјалното јавно обвинителство.

На средбата е поздравена добрата соработка помеѓу двете партии и е изразена подготвеност за нејзино натамошно продлабочување и унапредување.

Во таа насока, во пресрет на изборите, отворени се теми за можен иден заеднички настап на двете партии.

Би можело да ве интересира

СДСМ: На Скопје не му требаат рецилираните споменици од времето на режимот

СДСМ: Не глумете опозиција, објавете имиња или во спротивно сте соучесници во палењето

(ВИДЕО) Милевски: Борко да си поднесе оставка за резил олимпијадата, Македонија е посрамотена пред цел свет

СДСМ: Поради неспособност на ВМРО-ДПМНЕ ќе ни изгори државата

Горан Наумовски

СДСМ: Дали корупцијата е главен мотив за предавство на националните интереси со „Казанџи Холдинг“?

(ВИДЕО) Илиевски: Над 20 отсто од територијата на Македонија изгоре во пожари, не му оди на Мицкоски со патриотизмот