Лидерот на СДСМ, Зоран Заев по средбата со лидерот на БЕСА, Билал Касами рече дека се уште не им се доближени целосно ставовите и дека од утре продолжуваат повторно преговорите со сите потенцијални партнери во владата.
Тој не одговори што конкретно е пречката за коалиција помеѓу СДСМ и БЕСА, но рече дека е сигурен дека наредната недела ќе има нова влада.
Според Заев, укинување на екстерното тестирање е приоритет кој што не може долго да чека и дека и натаму ќе останат верни на принципот еднаквост за сите и дека нивните одлуки ќе бидат само во интерес на граѓаните на Република Македонија.
Лидерот на СДСМ кажа дека денеска освен со БЕСА, се сретнал и со лидерите на ДУИ и Алијансата за Албанците, Али Ахмети и Зијадин Села.