Премиерот Зоран Заев уште еднаш го повика јавниот обвинител Марко Зврлевски да си поднесе оставка.
Заев ова го стори и на првиот работен ден, по неговиот претходен повик кога беше избрана владата. Тој посочи дека Зврлевски треба ден поскоро да заврши со оставката за да се скратат роковите во редовна процедура.
Заев рече дека Зврлевски е еден од симболите на узурпирана правна држава и затоа според него е потребно за да се даде шанса за брз почеток на реформите во правосудството.
Премиерот најави и реизбор на судиите следејки ја европската пракса и очекува дека никој барем јавно нема да се спротистави на градење на независно правосудство.
Заев рече дека постои изграден став меѓу него и лидерите на коалициските партии за продолжување на мандатот на СЈО и најави дека преку собраниска процедура и дебата ке се обидат да го променат ставот на ВМРО – ДПМНЕ и дека и тие ќе гласаат за продолжување на мандатот.