Премиерот Зоран Заев и министерот за надворешни работи Бујар Османи, попладнево во Берлин се сретнаа со државниот министер за Европа во МНР на Германија, Михаел Рот.
На средбата премиерот Заев се заблагодари за целокупниот ангажман на СР Германија кон евроинтеграциите на Македонија и на Западен Балкан, особено во рамките на нивното претседателство со ЕУ но и во рамките на Берлинскиот процес кој резултираше со неколку клучни договори и соработки кои беа потпишани на самитот во Софија на кој ко-домаќини беа премиерите Заев и Борисов.
Премиерот Заев го истакна очекувањето дека првата меѓувладина конференција со ЕУ ќе се одржи до крајот на оваа година.
Агендата на премиерот Заев продолжува со церемонијата и врачувањето на наградата за човекови права за 2020 година од Фондацијата„Фридрих Еберт“(ФЕС) а ќе има и работна вечера со парламентарците во германскиот Бундестаг.