Претседателот на СДСМ, Зоран Заев преку својот ФБ профил информираше дека во текот на минатата недела имал ТВ интервју со новинар позтивен на КОВИД-19, но дека ги презел сите мерки согласно протоколите.
– Би сакал да ве информирам дека во текот на минатата недела имав ТВ интервју со новинар, за кој неодамна се утврди дека е позитивен на КОВИД-19. Иако во текот на интервјуто ги преземавме сите заштитни мерки како избегнување контакт и одржување дистанца, согласно сите протоколи, од денеска сум во самоизолација во мојот дом во Струмица, напиша Заев.
Тој кажа дека ги очекува резултатите во текот на денот, по што ќе знае што понатаму.
– Немам симптоми, денеска се тестирав за присуство на вирусот и резултатите ги очекуваме во текот на денот – по што ќе се утврдат следните чекори, кажа Заев.