Лидерот на СДСМ, Зоран Заев прв замина од преговорите во Пржино, по речиси десет часа преговори. Тој кажа дека нема договор околу датумот за избори, и доколлку се на 24. април, тие ќе се одржат без СДСМ.
Заев најави дека повеќе информации партијата ќе даде во текот на утрешниот ден, но во кратката изјава рече дека преговорите пропаднаа и СДСМ нема да учествува на нерегуларни избори.
– Не отстапуваме од слободни и фер избори. Избори се можни само со прочистен избирачки список и минимум професионални медиумски стандарди. Продолжуваме да се бориме. Избори на 24. април не прифаќаме, рече Заев.
А1он претходно информираше дека ВМРО-ДПМНЕ не прифаќа одложување на изборите, но истовремено не нуди гаранции дека е можно прочистувањето на избирачкиот список.
Александар Тодески