Заев не гледа причина да поднесе оставка доколку има бугарско вето

Од:

Премиерот Зоран Заев не гледа причина да поднесе оставка доколку Бугарија стави вето за одржување на првата меѓувладина конференција, која според најавите треба да се одржи за време на Германското претседателство со Европската Унија, односно најдоцна до крајот на годинава.

-Апсолутно не се согласувам со тезата дека треба да поднесам одговорност и да поднесам оставка, бидејќи во предизборието главно ветување ми било почеток на преговорите со Европската Унија. Главен аспект на кој беше насочена кампањата беше борбата против Ковид, новата македонска економија, прочистувањето на правосудството и владеење на правото во државата. Јас не дека ќе избегнам одговори во иднина за било кое прашање, но до последен момент верувам дека ќе успееме во преговорите за разликите со Бугарија, рече Заев во одговор на новинарско прашање на денешната прес-конференција во Владата.

Тој нагласи дека и досега покажале сериозни успеси во договарањата и преговарањата и во напредокот на земјата.

-Денеска сме членка на НАТО и имаме одлука за почеток на преговори со ЕУ после 15 години. Како и да се спореди ова со претходните владеачки политички структури, сепак сме светлосни години понапред од она што претставува алтернатива во нашата земја, потенцира Заев.

Би можело да ве интересира

Ковачевски за средбата со Заев и Ахмети: Зборувавме за настапот на партиите на изборите и за членството во ЕУ

Александар Тодески

Ковачевски за писмото на Заев: Во демократија секој има право на став

Украина и Молдавија ќе почнат преговори пред Македонија: „Проширувањето на ЕУ е секогаш политичка одлука“

Орце Костов

Блиски луѓе на Заев ќе работат за фирма на белоруски конзул во Македонија: Кој ќе копа јаловина во РЕК Битола за 25 милиони евра

Орце Костов

Ципрас во Струмица на гости кај Заев

Заев: Очекуваме грчката страна да го исполни делот од Преспанскиот договор кој се однесува на патоказите