– Огромна чест и привилегија е да ја добијам Меѓународна награда за мир на Вестфалија за 2020 година, заедно со мојот пријател Алексис Ципрас. Наградата е признание, но и обврска за сите наши идни политички одлуки да бидат посветени на европските вредности и мирот, порача премиерот Зоран Заев на социјалните мрежи откако денеска неми и на поранешниот грчки премиер Алексис Ципрас им беше врачено признанието на церемонија организирана во Мунстер.
– Како што Вестфалскиот договор не зборува само за мир, туку и за пријателство, така и во суштината на Договорот од Преспа лежи пријателството меѓу Република Северна Македонија и Грција содржано во Преспанскиот договор од 17 јуни 2018 година, вели Заев.
Заев и Ципрас наградата ја добија за потпишувањето на Преспанскиот договор во 2018 година.